تاااااااارت بالفواكه


الوصفة من اعداد العضوة Sou3ad Aouass   

المقادير

3 البيضات
3 معالق سنيدة 
3 معالق فورص او 4 
خمارة وحدة

الطريقة



كتطربي البيض ديال البيض بوحدو حتى طتطلعيه مزيااااااان
كتزيدي عليه سنيدة و تبقاي تطربي تزيدي الصفر و الفورص و الخمارة انا تنخليها فاي كيك هيا الاخرة
ندهن المول و نشعل الفران عدا تندير الخمارة و تحطيها طيب ماكتشدش طياب بزاف بسرعة كتطيب 20د او قل على حساب الفران

من بعد كتحضري السيرو 
كاس برتقال
3معالق كبار  سنيدة
باش كتسقيها ملي تخرجيها السيرو حضريه حتى تقربي تخرجيها 
كتحطيهم فوق البوطة يطيب حتى تحسي ولا سيرو و تسقي بيه الطورطة



من بعد كتوجدي الكريمة كاتحتاجي
1/2 حليب
فلان بنان
3 معالق ك فورص
2 معالق ك سنيدة 
1فاني


قبل ما تحطيهم فوق البوطة خاصكي تحركي مزياااااااان انا تنفضل نخدمها بيدي باش ما يبقاش تطواب ديال الفورص او الفلان عاد تحطيها على البوطة على نار مهيييييييييييلة و تبقاي تحركي ماتجهديش البوطة تبقاي تحركي حتى تعقد شي 10د تقريبا ملي تشوفيه عقد خويه على الطورطة و سرحيه ماتخليهش ف الكاسرولة تيجمد دغيا هههه

من بعد تكوني قبل حضرتي الديسير البنان الفريز لي عندكو تزوقيها ملي تزوقيها وجدي الناباج 
1كاس برتقال 
 فلان بنان
 السكر على حساب البرتقال ايلا كان حلو بلاش كتحطيه فوق البوطة غير يبانو ليك فقاعات فالجناب صافي حايديه من فوق البوطة و خويه من الفوق

و بالصحة و الراحة

شاركه على جوجل بلس

عن jecuisine souad

    تعليقات بلوجر
    تعليقات فيسبوك

0 تعليق:

إرسال تعليق